Håksoebarkijidie
Dutnjien mij saemien pasijenth råakh.
Daesnie nuhteligs bïevnesh dutnjien mij håksosne barkeminie jïh muvhth aejkien saemien pasijenth råakh.
Latjkoe Sanks:ine
Regijovne Dalarna, Regijovne Jïemhte Herjedaelie, Regijovne Norrbottene jïh Regijovne Västerbottene latjkoem Saemien nasjonaale maahtoejarngine psykiske healsoe jïh geeruvevoete, Sanks:ine utnieh. Sanks Nöörjesne. Sanks salkehtimmiem jïh gïetedallemem maanijste, noerijste jïh geervealmetjijstie faalede mah psykiske ov-healsoem jïh geeruvevoete tjoeperdimmieh utnieh. Seamma aejkien Sanks:n dïedte seammalaakan håksoem gaajhkide saemide vedtedh.
Latjkoen mietie regijovnh nöödtieh pasijenth dahkoe sedtedh jis håksoem saemiengïelesne daarpesjieh jallh håksoem mij lea saemien kultuvrine sjïehtesjadteme. Dåakterh jïh psykiatrijh nöödtieh Sanks:m bieljelidh jïh maehtieh viehkiem dejstie åadtjodh. Maahta konsultasjovnem abpe dåehkese vedtedh jallh ajve pasijenten ektine. Latjkosne aaj ööhpehtimmie, auskultasjovne, håksoebarkijh maehtieh dahkoe guessine mïnnedh jïh dåakterh nöörieh lierehtimmiem debpene utnedh.
Vuep! Latjkoe maahta regijovneste regijovnese joekehtadtedh, jïh gihtjh maa dam dov regijovnem gie dïhte mij reaktam åtna pasijenth Sanks:se seedtedh.
Bieljelh leenekoordinatovrem dov regijovnesne jis bïevnesetjaalegh vuertemetjïehtjelasse jallh pasijentide daarpesjh mah edtjieh Sanks:se vuelkedh. Gaavnh aaj digitaale tjaalegh/bïevnesh vuelelen maam maahtah veedtjedh.
Toelhke
Jis toelhkem daarpesjh dle tjoerh voestemes dam organisasjovnen toelhkem nuhtjedh. Vihkeles dam toelhkem varki dangkodh, juktie maahta gïerve årrodh toelhkh gaavnedh. Saemiedigkien sæjrosne aaj toelhkh gååvnese.
Mujhtieh, Sveerjesne gååvnese vïjhte dåhkasjehteme saemiengïelh Jis ih daejrieh magkeres saemien smaaregem dïhte pasijente soptseste, gihtjh amma!
Maahta joekoen vihkeles toelhkem utnedh jis edtjh maanah gaavnesjidh.
Care to translate
Care to translate lea akte gïeleappe maam maahtah håksosne nuhtjedh. Daate appe lea dovne pasijentide jïh håksoebarkijidie. Mijjieh Saemien healsoevearmadahkine laavenjostebe jïh dan gaavhtan daate appe gååvnese dovne noerhte- jïh luvliesaemiengieline. Maahtah dam åesehts veedtjedh.